LF SystrondsBUI

SystrondsBUI er namnet på Leikanger frivilligsentral sin utstyrssentral. På SystrondsBUI kan du låne fritidsutstyr til ulike aktivitetar for barn og ungdom heilt gratis. Dette er ein god muligheit for å kunne prøve utstyr for første gang, eller låne til skuleturar- og aktivitetsdagar. Me har mellom anna skiutstyr, telt og soveposer, truger, klatreutstyr, syklar, einhjulssyklar, stormkjøkken, bålpanne og mykje anna kjekt fritidsutstyr.

Idag har me rydda i SystrondsBUI, vaska og rydda i reolane, og fått på plass vinterutstyret i hyllene igjen.

Snart kjem snøen, og me har mykje vinterutstyr som de kan låne, heilt gratis!

Me har gode og moderne langrennsski med integrerte feller. Me har også slalomski i ulike størrelsar. 

På bildet under ser ein ei oversikt over langrennssko og slalomsko i ulike størrelser for barn og ungdom. 

Me har mange soveposar, som er perfekt å låne dersom ein skal på overnattingsturar!

Me har moderne slalomhjelmar og slalombriller. 

Trugeturar er blitt ein kjekk aktivitet for store og små. Dersom ein skal gå tur i snøen, er truger eit godt alternativ! Me har også gode hovudlykter og skredsøkarar som er mulig å låne. 

Me har både enkle og doble hengekøyer, og hengekøyer med netting. 

Sjekk ut bookingsystemet vårt her

Ta kontakt med oss eller kom innom oss i opningstidene dersom du vil sjå i utstyrssentralen vår eller om du har spørsmål!