Verda mi smeltar - Line Nagell Ylvisåker 22.september

I september kjem Line Nagell Ylvisåker, oppvaksen i Sogndal og busett på Svalbard, til alle biblioteka i Sogndal kommune for å snakka om boka si "Verda mi smeltar - å leve med klimaendringar på Svalbard". Biblioteket på Leikanger: tysdag 22. september kl. 18, biblioteket i Balestrand: onsdag 23. september kl. 18 og på biblioteket i Sogndal: torsdag 24. september kl. 19.    

Me får høyra ei forteljing om å leva med stigande uro og å leva midt i klimaendringane.

I 2015 gjekk det eit digert snøskred midt i Longyearbyen. Ei jente og ein familiefar døydde. Hausten etter gjekk det fleire jordskred, før eit nytt snøskred rasa inn i eit hus i sentrum. Noko er gale på Svalbard. 

Line Nagell Ylvisåker frå Sogndal har bygd hus i Longyearbyen, fått to ungar der og kallar plassen for heime. Brått kjenner ho seg uroleg når det er varsla uvêr.
Kjenslene byrja å ta overhand, og ho får behov for å ta grep, forstå kva som eigentleg skjer, korleis naturen heng saman. 

Det er høve til å få med seg foredraget både i Balestrand, Sogndal og på Leikanger. 

Grunna stoda kring covid-19 er det bindande påmelding til arrangementa. Me har avgrensa plassar og førstemann-til-mølla prinsippet gjeld.   

Kontakt biblioteka for å melda deg på e-post:  leikangerbib@sogndal.kommune.no tlf : 57 62 96 60