Velkomen til fredagskafé på Saften

Kvar fredag inviterer vi i Leikanger Frivilligsentral til ei hyggeleg og uformell kaféstund i kafeen i 2. etasje på Saften på Leikanger.

Ein av dei flotte frivillige våre står klar til å ønskje deg velkomen og diskar opp med kaffi, te og noko godt å bite i – gjerne nysteikte lappar eller vaflar.

Fredagskafeen er ein møteplass for alle, uansett alder. Her kan du slå av ein prat med kjende, bli kjend med nye menneske eller berre nyte ein kopp kaffi og litt godt selskap.

Kafeen held fram kvar fredag, og vi håpar han kan vere ein triveleg og inkluderande møteplass for folk i alle aldrar i bygda.

Ta gjerne turen innom – her er alle hjarteleg velkomne!