Open mandagskafe på Saften

Velkomen til måndagskafé på Saften

Kvar måndag inviterer vi i Leikanger Frivilligsentral til ei hyggeleg og uformell kaféstund i kafeen i 2. etasje på Saften på Leikanger.

Ein av dei flotte frivillige våre står klar til å ønskje deg velkomen og diskar opp med kaffi, te og noko godt å bite i – gjerne nysteikte lappar eller vaflar.

Måndagskafeen er ein møteplass for alle, uansett alder. Her kan du slå av ein prat med kjende, bli kjend med nye menneske eller berre nyte ein kopp kaffi og litt godt selskap.

Kafeen held fram kvar måndag, og vi håpar han kan vere ein triveleg og inkluderande møteplass for folk i alle aldrar i bygda.

Ta gjerne turen innom – her er alle hjarteleg velkomne!