BUA

BUA Leikanger er namnet på vår utstyrssentral. Lån utstyr hjå oss. Dette er ein god mulegheit for å kunne prøve utstyr for første gang eller låne til f.eks skuleturar og -aktivitetsdagar. Me har mellom anna skiutstyr, telt og soveposer, truger, klatreutstyr, syklar, einhjulssyklar, stormkjøkken, bålpanne og mykje anna kjekt fritidsutstyr.

BUA Leikanger – Gratis utlån av sport- og friluftsutstyr

BUA Leikanger er eit gratis tilbod for alle som ønskjer å vere aktive og oppleve friluftsliv utan å måtte eige alt utstyret sjølv. Hjå oss kan du låne sport-, fritids- og friluftsutstyr heilt gratis.

Målet vårt er å gjere det enklare for alle å prøve nye aktivitetar, vere meir fysisk aktive og oppleve naturen gjennom heile året.

Her kan du sjå kva utstyr du kan låne: Utstyr | BUA 

Her kan du sjå korleis du kan låne: Hvordan låner du i BUA? | BUA

Kva kan du låne?

Vi har eit variert utval av utstyr til ulike aktivitetar. Til vår-, sommar- og haustsesongen kan du mellom anna låne:

• Syklar
• Sparkesyklar
• Skateboard
• Fiskeutstyr
• Tursekkar
• Hengekøyer
• Telt
• Soveposar
• Stormkjøkken
• Redningsvestar
• Anna utstyr til tur- og friluftsaktivitetar

Til vinteraktivitetar har vi mellom anna:

• Langrennsski med sko og stavar
• Alpinski med sko og stavar
• Randonee med sko, stavar og feller
• Snowboard
• Truger
• Akeutstyr
• Anna vinterutstyr for små og store

Når du låner sykkel, ski eller anna utstyr der tryggleik er viktig, kan du også låne nødvendig sikkerheitsutstyr dersom det er tilgjengeleg.

For alle

BUA Leikanger er open for alle innbyggarar og tilreisande. Tilbodet er særleg populært blant familiar, born og unge, studentar og bebuarar ved asylmottaket. Ved å dele på utstyret kan fleire få moglegheit til å delta i aktivitetar og oppleve meistring og fellesskap.

Har du forslag?

Vi ønskjer stadig å utvikle utlånstilbodet vårt. Dersom du saknar noko i utvalet vårt, tek vi gjerne imot forslag til nytt utstyr. Innkjøpa våre vert i stor grad styrte av kva innbyggarane etterspør.

Opningstider

BUA Leikanger
 Tysdag og torsdag

Innlevering: kl. 09.00–12.00
 Utlevering: kl. 12.00–15.00

Telefon: 94136251

Velkomen innom for ein prat – kanskje finn du utstyr til ditt neste eventyr!