Frivilligkoordinator

Avslutningslunsj for Dag Andre kor me inviterte tenesteleiar Jon Tvilde og kollega Åge Vedvik frå Sogndal Frivilligsentral. Me fekk nydeleg god pizza og ei fin utestund på Fjordkroa. Fotograf: Mona Teigen Kvam/Leikanger Frivilligsentral

Dag Andre har mellom anna vore med på flytting av lokaler frå Tinghuset til Saften. Han har også vore sterkt engasjert i oppbygginga av SystrondsBUI utstyrssentral, som no inneheld mykje flott og nytt utstyr til born og unge. 

SystrondsBUI er i desse dagar klar for utlån av fritidsutstyr til born og unge. Me har som (kanskje?) første utlånssentral i landet, utarbeida online utlånsportal og sjølbetjent utlån utanom bemanna arbeidstid. Ved å nytte online booking, kan de på nettsida vår sjå alt av utstyr og storleikar, og kva som er ledig for utlån til ei kvar tid. Ved igangsetjing av dette, vil føresette kunne låne utstyr til born og unge utanom bemanna arbeidstid ved Leikanger Frivilligsentral. Grunna korona-restriksjonar vil ikkje den ubemanna utlånet bli sett i verk enno. Enn så lenge, tek ein kontakt med Tonje ved Leikanger Frivilligsentral, for å låne medan me er på kontoret; tlf 9413 6251.

Dag Andre er primus motor og dagleg leiar for Systrening. Han satsar for fullt på spreke og treningsglade systreningar framover. Saman har me gode planar og idear for samarbeid mellom Leikanger Frivilligsentral og Systrening framover, og gledar oss til ein kan sette i gang att med aktivitetar for fullt!

Me takkar for jobben som er gjort, og ynskjer Dag Andre lukke til med tunge vekter, spinning og moro ved Systrening!

Mona :-)

Leikanger Frivilligsentral